Mga palpak nga water districts kag joint venture deals, manabat suno kay President Bongbong Marcos

Manabat ang mga palpak nga water districts kag joint venture deals sa ila kapaltahan nga maghatag sang nagakaigo nga serbisyo sa mga pumuluyo.

Kasunod ini sang mga nabaton nga reklamo sang gobyerno may angut sa problem sa sa supply sang tubig sa ila nga mga lugar.

Ini ang paandam ni President Ferdinand “Bongbong” Marcos sa iya ika-apat nga State of the Nation Address (SONA).

Suno sa Presidente, kapin 6 million nga Pilipino sa bug-os nga pungsod ang apektado sang mahina nga serbisyo sa tubig.

Wala na ginhambal sang Presidente kun sin-o ang natumod nga providers.