Ginalantaw sang deputy station commander sang Bacolod Police Station 4 nga madugay na nga may nagakatabo nga inaway sa grupo nga involve sa riot kagab-i sa Bacolod City Government Center (BCGC) kag kun sin-o ang makita nga miyembro sang nakaaway nga grupo ang ila ginabalusan.
Sa interview sang Bombo Radyo Bacolod kay Police Lt. Greeky Cayao, ang mga pamatan-on nga imbulbado sa riot kagab-i ang may yara sang mga grupo.
Suno kay Cayao ang grupo ang nahuman paagi sa paginvite sa messenger kag ang ila meet up area amo ang BCGC grounds.
Pahayag sini nga ang mga miyembro sang grupo ang ginalakipan sang mga pamatan-on gikan sa Barangay Alijis, Barangay Taculing kag Barangay Estefania sa syudad sang Bacolod.
Suno sa deputy station commander, kalabanan sa mga nasambit nga kabataan ang nagalibod sang mani sa City Government.
Pila man sa mga ini ang nadakpan na sadto nga naglapas sang curfew.
Samtang ang tag-iya sang jeep nga nakaparking nga ginatudlo ginsakyan sang suspek kag ginwasak ang windshield kag suga, ang nagpanyapon lamang sa Government Center.
Suno kay Cayao, ginbantayan man sang mga kapulisan ang jeep bangud mahimo nga mawasak nagid ini bangud sa kaakig sang mga kaupod sang biktima.
Sa pihak nga bahin, nagpanugyan man si Cayao sa mga ginikanan nga lantawon kag bantayan ang mga aktibidad sang mga kabataan agud nga makita kun sin-o ang mga ginaupdan nga grupo kasubong man kun ano ang aktibidad sang mga ini.
