May pila ka paagi agud nga makabayad sang housing dues ang mga pamilya nga magaistar sa Yuhum Village.
Natalana sa Disyembre 20 ang turnover sang nahuman na nga mga units sa Yuhum Village sa Barangay Vista Alegre.
Suno kay Rodel Parcon, executive assistant for housing cluster sang Bacolod, ang yara sa category sang homeless ang igafinance sang PAGIBIG samtang ang informal settler families ang magasulod sa isa ka modality nga amo ang people housing approach kun sa diin sila ang istoryahon kun paano ang proseso.
Kampante si Parcon nga mapangitaan sang budget ang para sa informal settler families basta may yara sang plano angot diri.
Ginpahayag naman sang PAGIBIG nga bukas sila sa pagpautang sa mga apartment nga ginapanag-iyahan sang gobyerno.
P50,000 ang presyo sang kada square meter kag ang floor area sini ang nagalapad sang 24 square meters.
Suno kay Parcon, yara na sa tradisyon sang mga Pilipino ang pagbuligay agud nga makabayad sa balay ilabi na kun may yara man lang sang source of income.
