Nagapanawagan ang pamilya sang mga biktima sang maduguon nga war on drugs sang Duterte administration nga maprosecute si former President Rodrigo Duterte kag ang iya mga cohorts agud mapasabat ang mga ini sa kamatayon sang linibo ka mga persona.
Santo sa official government data, 6,181 ka mga persona ang nagkalamatay sa maduguon nga anti-drugs campaign nga gin-implementar sang 79-anyos nga si Duterte sa idalum sang iya administrasyon.
Apang may pila ka mga grupo nga nagapati nga nagadangat sa 30,000 ang nagkalamatay.
Sa pagtambong sini sa hearing sang Senado sang tinalikdan nga semana, ginpahayag ni Duterte nga ginaako sini ang “full responsibility” para sa war on drugs apang ginmintinar nga indi ini natuhoy sa pagpamatay sang mga tawo.
Apang nagapanawagan ang pamilya sang mga biktima nga mapasabat ang mga responsable sa maduguon nga kampanya kag mapaatubang sa layi.
