Naga amat-amat nga nagadamo ang nagabyahe nga mga pasahero sa mga terminal sang bus subong nga adlaw.
Sa Ceres South Terminal, wala sang pagginutok bangod nga ang mga pasahero naga-abot kag nagabyahe man sang gilayon.
Sa interview sang Bombo Radyo kay Hercolano Lawa, naggikan ini sa Manila kag nagpauli ini sa ciudad sang San Carlos kaupod ang iya asawa kag bata para magselebrar sang bag-ong tuig kag subong nga adlaw, sila naman ang nagbyahe pabalik na sa Manila.
Samtang, sa interview naman sang Bombo Radyo kay Claire Ebwen, vendor sa gwa sang Ceres South Terminal, kun ikumpara sa nakaligad nga tuig mas madutay ang pasahero subong nga nagbyahe kasunod sa selebrasyon sang bag-ong tuig.
Suno diri, bisan papaano makaginansya pa man ini bangod nga madamo sang nagabakal sang iya nga kape kag tubig nga ginabaligya.
Samtang, subong naman nga hapon ginalauman nga magdamo pa gid ang pasahero nga magbyahe.
