Magapatigayon subong nga adlaw sang seminar and training sa tanan nga tiglawas sang 61 ka barangay sa syudad sang Bacolod para sa pagmonitor kag magbantay sang mga babuyan sa tagsa ka barangay agud madasig matumod kun may yara sang sintomas sang African Swine Fever ang mga ginasagod nga baboy sang mga pumuluyo.
Sa interview sang Bombo Radyo Bacolod kay Bacolod City Vice Mayor kag Acting Mayor El Cid Familiaran, pangunahan sang Department of Agriculture kag City Veterinarian sang syudad sang Bacolod kay syudad sang Victorias ang seminar kag training.
Ang mga representatives ang hatagan sang dugang nga ihibalo sa pagtumod sang mga sintomas sang African Swine Fever kag magmonitor sang mga baboy sa tagsa ka barangay.
Tinutuyo sini ang pagbutang sang Paravets bangud aminado man ang City Veterinary Office nga kulang sila sa personnel nga magtutok kag magmonitor sa 61 ka barangay sa probinsya.
Nagpanawagan man si Familiaran sa mga hog raisers sa syudad nga magpalista sa barangay agud maaccount ang ila ginasagod nga mga baboy apang ang Barangay Officials mismo ang magpadulong sa mga babuyan kag mag-isip sang mga ginasagod nga baboy agud insakto ang pag-account.
Ini man agud nga mahatagan man sang bulig sa tion nga maapektuhan sang masakit nga ASF ang mga ginasagod nga mga baboy.
