Ginpasalamatan sang media relations officer sang Vallacar Transit Incorporated ang mga pasahero nga nagkooperar agud nga indi magdinaguso ang mga ini sa pagbiyahe pabalik sa ila nga mga trabaho kag pag-eskwela.
Sa interview sang Bombo Radyo Bacolod kay Jade Marquez, antes ang Semana Santa naplastar na sang management ang mga units sang ceres bus nga magbiyahe sa Easter Sunday agud nga masiguro nga indi magdinaguso ang mga pasahero.
Suno kay Marquez, wala sang rason nga magdinaguso gid ang mga pasahero bangud ang mga bus units nga nagbiyahe antes ang semana santa, amo man ang magabiyahe sa karun nga magabalik na ang mga pasahero sa trabaho kag eskwela.
Suno diri, wala man sang naglain sa schedule sang biyahe sang mga ceres bus sa probinsya sang Negros Occidental.
Santo sa monitoring sini, ang mga pasahero padulong sa Cebu ang nadagsa sa ceres terminal kahapona agud nga magbalik na.
Samtang nagpanugyan man ini sa mga pasahero nga maghalong kag indi magkabalaka bangud may yara sang nagakaigo nga bus units nga nagabiyahe agud maakomodar ang tanan nga mga pasaher.
