Ginpahayag sang pinuno sang Coast Guard Station Northern Negros Occidental nga nagdamo man ang mga nagabiyahe nga mga pasahero kasunod sang selebrasyon sang Sinulog Festival sa Kabankalan City, Negros Occidental.
Sa interview sang Bombo Radyo Bacolod kay Commander Joe Luviz Mercurio, kumparar sa nagligad nga selebrasyon sang Sinulog mas nagdamo sa karun ang pasahero nga nagabiyahe padulong sa syudad sang Kabankalan.
Samtang, suno kay Mercurio, una na nga nakabaton ang talatapan sang Coast Guard Station Northern Negros Occidental sang request sang K-9 units para sa pagbantay kag pagsiguro sang safety sang mga magapadulong sa syudad sang Cadiz agud mag-upod selebrar sang Dinagsa Festival sa masunod nga semana apisar nga may yara naman sang Maritime police nga nakadestino didto kag ini ang preparasyon man sa tion nga may patigayunon nga fluvial parade ukon Regatta sa syudad kadungan sang selebrasyon sang festival.
Nagpanugyan man si Mercurio sa mga magapatigayon sang mga festivals nga magpasa sang requests sang temprano agud nga maoptimize man nila ang precautionary measures kasubong man ang deployment sang ila mga personnel.
