Nagdangat sa masobra 500 ang pila sang mga pasahero nga magasakay sa Roll on Roll off (RoRo) vessel sa BREDCO port kaina sang aga.
Sa interview sang Bombo Radyo Bacolod kay Chief Petty Officer Louie Campaner, commander sang Coast Guard substation – BREDCO, parehas nga madamo ang numero sang mga pasahero pasulod kag pagwa sa pantalan.
Sa port na nagtulog ang iban sa mga pasahero bangod ginalauman na ang pagdagsa sang mga byahero matapos ang New Years’ vacation.
Aminado si Campaner nga maiwat ang nangin pasahero sang Disyembre 31 kag Enero 1, kag subong nga adlaw Enero 2 amo nagdagsa sa mga pantalan.
As of 1:30pm, nagdyutay na ang numero sang mga naga-abot nga pasahero.
Suno diri, nagalaba ang pila sa RoRo vessels bangod P100 lamang ang pletehan samtang P500 naman ang sa Fastcraft vessels.
Apang ang byahe ang nagakadelay bangod ang RoRo ang nagahulat pa nga malab-ot ang capacity sang load nga salakyan.// Suno kay Campaner, kumpleto man ang mga barko sa karun gani matatapan bisan nga nagdamo ang mga pasahero.
