Wala sang problema sa pila ka commuters sa Bacolod nga P11 na ang minimum regular fare sugod Hulyo 1.
Suno kay Yeye Lopez nga nagsakay sa Bata-Libertad nga PUJ, dapat na gid man nga pasakaan ang pamasahe bangud wala untat ang pagsaka sang presyo sang diesel kag gasolina.
Sang Hunyo 29, gin-aprubahan sang LTFRB ang P11 nga minimum regular fare nationwide.
Ang P2 nga fare increase ang idugang sa P9 nga regular fare antes ang COVID pandemic.
Suno kay Lopez, makaluluoy man ang mga driver sa padayon nga pagsaka sang presyo sang gatong.
Pabor man ang isa ka pasahero nga naghingyo nga indi na paghingadlan sa kahanginan bangud dako ang gasto sang mga driver sa gatong ilabi na nga kada semana ang price hike.
Suno naman sa PUJ driver nga si Antonio Roma, indi sila makasukot sang P11 bangud delikado kun manukot sila nga wala sang taripa.
Suno kay Roma, sila man gihapon ang maproblema kun magreklamo ang pasahero sa LTFRB sa pagsukot nga wala sang taripa.
Aminado naman ini nga magaresulta lang sa baisay kun piliton nila ang commuter nga mabayad sang P11 gani sa karon, nagapabilin nga P10 ang minimum fare.
