Wala sang narecord ang Philippine Coast Guard Station-Negros Occidental sang insidente nga may kaangtanan sa pagdumdom sang tigkalalag subong nga tuig.
Sa interview sang Bombo Radyo Bacolod kay Commander Jansen Benjamin, pinuno sang Coast Guard Station-Northern Negros Occidental, santo sa ila nga monitoring wala man sila sang narecord nga mga insidente apang santo sa ginalauman nagdamo ang mga pasahero sa mga pantalan kahapon sang hapon agud nga magbalik na bangud subong nga adlaw ang may opisina na.
Madamo na sang mga salakyan ang nagpila agud magsakay sa mga rolling cargoes.
Suno kay Benjamin, bangud maayo ang tyempo kahapon, nagdeploy man ini sang mga coastguard personnel sa mga beach resorts bangud may mga pamilya nga nagpadulong didto agud nga magbonding kag magrelax.
Nagpanugyan man ini sa tanan nga mga pasahero nga magbalon sang malaba nga pasensya bangud sa ginalauman nga malaba nga pila sa tion nga magkuha sang ticket.
