Amat-amat na nga ginahimuan sang paagi ni Bacolod City Mayor Greg Gasataya ang pag-imprubar sang Bacolod City Public Plaza.
Kalakip sa una na sini nga ginpatuman amo ang pagpamalos sang wala na naga-andar nga mga christmas lights nga nakapalibot sa mga kahoy, kasubong man gintrim ang mga sanga agud mas mangin masanag ang lugar.
Gintsekyar man sang alkalde ang kahimtangan sang comfort room, kag suno diri, bisan ano ka tahom sang plaza, indi gihapon manami kun guba ang piyertahan, nagatulo ang atop kag barado ang toilet sa CR.
Ginatanyag naman sini sa General Services Office kag City Legal Office ang pagsupervise sa mga vendors.
Pahanumdom pa sini nga GSO ang assigned sa pagmanage sang Bacolod Public Plaza samtang ang Public Order and Safety Office (POSO) personnel naman ang magaserbe nga gwardiya.
Plano ni Mayor Greg nga magdugang sang mga blue guards agud mas mabantayan ang Bacolod Public Plaza.
Goal sang Gasataya Administration nga ma-imprubar ang plaza apang sa karun mga galagmay lamang ang ila gina-obra bangod may ginaconstruct man ang Tourism Infrastructure and Enterprise Zone Authority (TIEZA), gani ginalikawan sini nga mag-overlap ang ila mga contruction projects.
