Gina-imbitahan sang community relation service sang Metro Bacolod District Jail ang publiko nga magkuha sang wishlist sang mga inmates nga nakasab-it sa PDL Christmas Wish Tree sa BJMP bilang kabahin sang ila aktibidad sini nga Paskwa.
Sa interview sang Bombo Radyo kay Jail Officer 1 Charlene Valerio, ila ginpasulat sang wishlist ang mga inmates kag ini ang ila ginsab-it sa isa ka Christmas Tree kun sa diin sarang nga makakadto ang mga sibilyan agud magpili sang ila luyag buligan.
Suno diri, simple lamang ang mga handom sang mga inmates nga mabaton sini nga Paskwa kaangay sang groceries, tsinelas kag shorts.
Suno sa iya, paagi sa gamay nga inisyatibo, mahatagan na sang kalipay ang mga inmates sini nga holiday season.
Samtang, nagapadayon naman ang pagbaton sang order sang mga inmates sa ila paghimo sang mga parol.
Suno kay Valerio, ang presyo sang mga parol ang magadepende sa desinyo kag kadakuon sini.
Suno diri, madamo naman sila sang nabaton nga orders nagikan sa mga opisyales sang nagkalain-lain nga mga barangay.
Gindugang man sini nga paagi sa pagbakal sang mga parol nga himo sang mga PDLs, makahatag na sila sang gamay nga bulig sa pamilya sang mga inmates kag panggawi man sang mga ini sa sulod sang prisuhan.
