Nakaheightened alert ang mga personnel sang Philippine Coast Guard kadungan sang holiday season kun sa diin madamo ang mga byahero.
Suno kay Commander Jansen Benjamin, operations officer sang PCG Western Visayas, wala sang byahe ang barko kun may storm warning signal, apang bangud wala sang storm warning signal sa karon, wala man sang suspension sang byahe.
Apang aminado naman si Benjamin nga may reduction sang numero sang trips bangud magaselebrar man sang paskwa ang mga crew sang barko.
Suno kay Benjamin, sa karon, yara sa heightened alert ang Philippine Coast Guard kun sa diin nakaalerto ang tanan nga mga personnel sa tanan nga mga sea ports diri sa Bacolod kag probinsya sang Negros Occidental.
Malapit 850 ang kabug-usan nga personnel sang PCG sa bilog nga Western Visayas kag tanan ang nakaduty bangud kanselado ang leave, santo sa mandu sang pinuno sang PCG.
Ini agud nga masiguro ang safety sang mga pasahero nga nagabyahe sa karon nga Christmas season.
Nakastandby man ang response teams agud nga makaresponde gilayon kun may maritime accidents.
Suno kay Benjamin, ginasiguro sang PCG kag sang shipping companies nga hilway ang pagbyahe sang mga pasahero.
