Mga Pilipino nga apektado sang linog sa Myanmar narelocate na kag nahatagan sang ayuda

Ginpahayag sang embahada sang Pilipinas sa Myanmar nga na-relocate kag nahatagan na sang ayuda ang mga Filipino nga nagpangayo sang bulig kasunod sang magnitude 7.7 nga linog nga nagbilin sang linibo nga patay sa nasambit nga pungsod.

Gin-anunsyar sang embahada nga kalakip sa bulig  ang transportation kag temporary accommodation sa una nga batch sang mga pinoy nga nag-avail sang voluntary relocation program for distressed Overseas Filipino Workers.

Samtang yara sa kustodiya sang embahada, ang mga Pinoy ginhatagan sang welfare assistance kalakip na ang financial kag medical assistance kag ginlakip man ang trauma counseling.

Una gin-report sang embahada nga may 15 ka mga Pinoy ang ila ginbuligan sang Hwebes, Abril 3.