Ginapahalong sang embahada sang Pilipinas sa Washington D.C. ang mga Filipino nga nagaistar sa Jamaica sa tunga sang paglaslas ni Hurricane Melissa, nga ginakabig pinakamakusog nga bagyo sa bilog nga kalibutan subong nga tuig kag pinakamabaskog sa maragtas sang Jamaica.
Ginalauman nga magatuga ang hurricane sang dako nga halit sa imprastraktura, makusog nga hangin, pagbaha kag landslide.
Kaangot sini, ginpahayag sang Embahada nga ang kaluwasan sang mga Filipino sa mga apektado nga lugar ang ila nga prayoridad.
Ginhangkat sini ang mga Filipino nga taguon sa luwas sa mga lugar ang importante nga mga dokumento kaangay sang passport kag ID kag magbantay lamang sa official reports kag abiso sang gobyerno.
Sa karun ginabanta 300 ka Filipino ang nagaistar kag nagatrabaho sa Jamaica.
