Naga-upod ang mga Pilipino sa Houston, Texas, sa pagselebrar sang inagurasyon ni US President-elect Donald Trump bilang ika-47 nga presidente sang Estados Unidos.
Sa interview sang Bombo Radyo Bacolod kay Noor Moraña, Bombo International News Correspondent derekta sa Houston, Texas, madamo na sang activties nga naplastar para sa inagurasyon ni Trump.
Suno diri, bangod sa weather forecast nga matugnaw nga panahon, ginsaylo sa sulod sang US Capitol ang Swearing-In Ceremony.
Mas maayo ini suno kay Moraña bangod limitado lang ang maka-attend kag mabantayan ang security.
Sa Enero 18, oras sa US, may fireworks display, cabinet session, kag dinner; Sa Enero 19, mahalad sang bulak si Trump sa Darlington Cemetery kun diin nalubong ang mga nagtaliwan nga mga suldado, kag may yara man sang victory rally; Sa Enero 20, patigayunon ang Swearing-In Ceremony kag may farewell ceremony si US President Joe Biden kag Vice President Kamala Harris.
May yara man sang mga bisita naggikan sa iban nga pungsod, kaangay ni Argentina president Javier Gerardo Milei kag mga biionaires kaangay nanday Tesla Motors CEO Elon Musk kag Facebook CEO Mark Zuckerberg kag iban pa.
