Kabahin ang mga Pinay sa pinaka-aktibo nga mga tumalan-aw sang adult content sa isa ka kilala nga adult website nga Pornhub sini nga 2025.
Ini santo sa tuigan nga user data sang website halin sa ila “Year in Review” insights.
Santo sa website, yara sa 64 percent sang nagabisita sa site ang mga kababayinhan ang halin sa Pilipinas.
Bangud sini, ang Pilipinas ang nangin isa sa tatlo lamang ka mga pungsod sa top 20 nga mas madamo ang babayi nga tumlan-aw kumpara sa mga lalaki.
Samtang, nagpabilin ang Pilipinas sa pwesto bilang ika-3 sa pinakataas nga pungsod sa bilog nga kalibutan sa site traffic nga mas malawig ang ginahatag nga oras sa paglantaw sa subong nga tuig.
Nagpanguna ang Estados Unidos kag ginsundan sang Mexico.
Makita man diri nga kalabanan sang audience sa Pilipinas ang mga pamatan-on.
Halos katunga sang kabug-usan nga traffic nga 49 percent ang naga-edad 18 tubtob 24 anyos, samtang ang edad 25 tubtob 34 amo naman ang dugang nga 29% sang mga tumalan-aw.
Mataas man nga porsyento ang nagalantaw gamit ang cellphone sa pungsod nga nagdangat sa 96 percent, nga isa sa pinakamataas sa bilog nga kalibutan.
