Ginaengganyo sang Philippine Embassy sa Lebanon ang mga Pinoy nga magbiya na sa nasambit nga pungsod samtang bukas pa ang airport sa tunga nagaluntad nga tensyon.
Sa ginpagwa nga evacuation notice, sang Biyernes sang gab-i, nagpangabay ang embahada nga unahon sang mga Pinoy ang ila nga safety kag magbiya sa Lebanon sa labing madali nga panahon.
Nakasaad sa statement, nga sa tion nga indi makahalin sa pungsod, ginapangabay ang mga Pinoy nga mag evacuate sa mas safe nga lugar sa gwa sang Beirut, South Lebanon kag Bekaa Valley.
Bukas ang embahada sa mga Pinoy nga luyag mag avail sang repatriation.
Sang tinalikdan nga semana, nagsaka ang tensyon sa tunga sang Hezbollah nga nakabase sa Lebanon kag Israel.
Una na nga nagpatigayon ang Iranian-backed Hezbollah group sang drone attacks tinalikdan nga bulan sa Goln Heights nga ginatiniran sang Israel nga nagresulta sa kamatayon sang 12 ka mga tawo.
