Indi magpauli sa Pilipinas ang kalabanan nga mga Pilipino nga nagatrabaho sa Ukraine sa pihak sang pagsalakay sang Russia.
Suno kay Bombo correspondent Joy Fernandez Tolentino, ginkolekta na sang Department of Foreign Affairs ang address sang mga overseas Filipino workers kag may yara man sang sila constant communication sa isa kag isa.
Santo sa rekord sang DFA, masobra 300 lang ang numero sang mga OFWs sa Ukraine.
Ang iban naman nga mga OFWs suno kay Tolentino ang yara na sa border sang Ukraine kag Poland.
Suno kay Tolentino, indi luyag sang kalabanan nga OFWs nga mag-avail sang repatriation program, sa baylo, magapadulong nalang ang mga ini sa iban nga pungsod kaangay sang Poland kag Czech Republic.
Indi man magpasugot ang employer ni Tolentino nga magapauli ini sa Pilipinas kundi magaupod ini sa ila kun sa diin man sila makadto nga hilway nga lugar.
Sa karon, upod ni Tolentino ang bilog nga pamilya sang iya employer.
Nagpalab-ot man ini sa iya pamilya sa Pilipinas nga indi magkabalaka sa ila bangud yara ini sa luwas nga kahimtangan kundi sila ang pangamuyuan.
Sa karon, indi na tuman ang linupok sa Kyiv apang nagaabanse na ang Russian Forces sa capital city.
