Nagabantay man ang mga Pilipino sa New York City, USA sa mga development sa kaso ni Pastor Apollo Quiboloy nga ginapangita na sa karun sang Federal Bureau of Investigation (FBI) matapos gin-issuehan ini sang warrant of arrest sang November 10, 2021.
Nahibaluan nga si Quiboloy ang nagapangatubang sang kaso nga sex trafficking by force, fraud coercion; sex trafficking of children; conspiracy; and bulk cash smuggling.
Sa interview sang Bombo Radyo Bacolod kay Leif Severino, ginpahayag sini nga ang FBI ang may yara sang kaugalingon nga website kun sa diin masearch ang tanan ang mga wanted persons kag ang tanan nga mga detalye ang makita diri.
Apang wala ini nakahibalo kun ginatapik sa public areas ang mga litrato kag detalye sang mga wanted persons.
Suno kay Severino, grave offense ang ginapangatubang ni Quiboloy gani ginapangita ini sa karun sang mga otoridad.
Nagapanawagan man ang FBI nga kun sin-o man ang nakahibalo ukon nakakita sa nasambit nga pastor ang mahimo ireport anonymously sa FBI ukon sa malapit nga US embassy ukon US consolate.
Ginpaghayag man ni Severino nga ginabantayan sang Filipino Community sa New York ang matabo sa kasubong nila nga Pinoy kag mahimo nga ini ang ma-extradite.
