Yara pa sa masobra 8,000 ang wala makaclaim sang ila plastic card nga lisensya gikan sa Land Transportation Office – Bacolod.
Sa interview sang Bombo Radyo Bacolod kay Joseph Dano, pinuno sa Licensing Division sang LTO-Bacolod, dako ang backlog nakaligad nga tuig bangod nahubsan sang supply sang card ang Central Office.
Suno diri, wala gid sang may nagsulod halin Oktobre kag nagbalik lamang sang Abril subong nga tuig, gani nagdangat sa 16,219 ang backlog sa Negros Occidental Licensing Center.
As of kahapon, nakarelease na sila sang 7,664 apang yara pa sa 8,565 ang tubtob sa karun wala maclaim.
Panawagan ni Dano nga mas maayo nga ini ang kuhaon na sa LTO office bangod mas maayo gid kun may plastic card sangsa papel lamang nga temporaryo nga gin-issue.
Mas matawhay naman sa karun sa ila opisina sa Barangay Mansilingan kun sa diin ang anay average nga masobra 300 nga nagakuha kada adlaw sang Abril, ang sa karun yara nalang sa 25 tubtob 30 kada adlaw.
Dugang pa sini nga alas-7:00 sang aga pa lamang sila ang nagcater na sang luyag magpaprint sang ila nga card.
Paathag ni Dano nga indi man nila mahimo nga iprint ang card nga wala ang tag-iya bangod ini ang magakinahanglan sang biometric antes maregister sa system.
Aminado man ini nga mahimo nagbutang sang limit sa 100 ang LTO – EB Magalona bangod magluwas sa lisensya, sila ang nagacater pa sang rehistro
