Kadungan sang Valentines Day kahapon may yara man sang programa nga gindihon ang Negros Occidental Police Provincial Office (NOCPPO) isa na diri ang Love Story Mo Baylo Bugas.
Sa interview sang Bombo Radyo Bacolod kay Police Captain Judesess Catalogo, spokesperson sang NOCPP, may yara sang pito ka mga sulat nga ginbasa kahapon kag ginstream sa ila fb page kun sa diin duha diri ang magadaog sang duha ka sako sang bugas.
Suno kay Catalogo, ang tagsa ka police stations sa probinsya ang may tagsa ka mga aktibidad sa pagselebrar sang adlaw sang paghigugma.
Kaangay lamang sang mga kapulisan nga nagahatag sang bulak sa mga random nga mga babayi kasubong man sang mga katapo sang High Patrol Groups nga nagpanagtag man sang bulak.
Ginmonitor man sang mga kapulisan ang mga resorts kag mga areas nga ginapadulungan sang mga pumuluyo sa tion sa Valentines Day.
Samtang, nagbuylog man ang sa selebrasyon sa adlaw sang paghigugma ang federasyon sang force multipliers sa syudad sang Bacolod kahapon.
Sa interview sang Bombo Radyo Bacolod kay Emmanuel Loplop, pinuno sang Bacolod City Police Office force multipliers, naglibot ang mga ini kahapon sa mga malls kag nagpanghatag man sang bulak sa mga random nga mga babayi.
Suno kay Loplop, luyag sang mga ini ipakita nga indi lang sila nagabulig sa pagpatuman sang kalinong kag katawhay sa syudad kundi sila ang nagahimo man sang tikang agud ipakita sa mga tawo ilabi na sa mga kababainhan ang pagpalangga.
Suno kay Loplop, kada tuig man nila ginahimo ang aktibidad sa pihak pa sang pandemya.
