Onhold ang Bayad Agad Payout sa ciudad sang Bacolod bangud sa Commission on Elections (COMELEC) banning.
Suno kay Atty Marty Go, Secretary to the Mayor, nakabaton sila sang reply sang nagligad nga semana nagikan sa political finance division sang COMELEC angot sa requests sang ciudad para sa exemption sang 243 infrastructure projects kun sa diin 64 diri ang naaprubahan.
Suno kay Go, may 179 ka mga proyekto nga gindeny bangud sa mga kulang nga requirements kun sa diin ang ginhimo sang ciudad nagpasa liwat sang kulang nga requirements santo man sa nakasaad sa email sang COMELEC.
Samtang sa social services and housing kun sa diin isa diri ang BAYAD AGAD wala pa nakabaton ang ciudad sang certificate of exemption gikan sa COMELEC kag padayon nga ginahulat sang mga ini.
Ginhold lang anay ang payout kag padayunon lamang kun may yara na sang certificate of exemption ang ciudad sa Election banning.
Ang releasing lamang sang pondo ang ginadumilian apang ang pagproseso sang mga papeles para sa application sang exemption sa banning ang magapadayon lang.
Samtang ang DSWD naman ang nakakuha na sang exemption gani makapadayon na ang mga ini sa pagpanagtag sang ayuda.
Suno kay Bacolod City Mayor Alfredo Benitez, ginhold anay ang payout sang BAYAD AGAD agud nga indi ang mga ini matechnical kag malikawan ang election violation.
Suno kay Benitez, ihulaton gid anay ang clearance nagikan sa COMELEC antes makapadayon sa pagrelease sang payout.
