May mga otoridad ang nagasuksok sang undercover outfit kun magpatigayon sang raid ukon operasyon, kun sa diin iban sa ila nagapakuno-kuno nga buang, ang iban nagabaligya sang mga flash light kag iban pa.
Apang sa Thailand, pinasahi pa gid ang ginhimo sang mga police sa Tha Luang district sa Lop Buri, agud madakpan ang isa ka local drug dealer.
Sa isa ka festival, nagpakuno-kuno nga mga dancers ang mga police kag nag-upod sa mga tawo.
Wala sila nakakuha sang atensyon sang tanan nga tawo tubtob nga nakita ang kag naaresto ang suspek nga si Mekha Fa-wap-wap nga imbulbado sa drug operation kag illegal gambling.
Nakuha sang otoridad ang 53 ka methamphetamine pills, masobra 200 ka magagmay nga plastic bags nga natalana i-distribute kag cellphone nga ginagamit sa illegal online slot machine activities.
Nagapangatubang ang suspek sa kaso nga paghupot sang Category 1 narcotics nga may intension nga ibaligya, kag pag-operate sang indi otorisado nga online gambling platform.
