BACOLOD CITY — 50 ka adlaw nga suspension ang mahimo nga atubangon sang mga pulis sa Bacolod nga nadakpan nga nagatulog samtang nagaduty sang Marso tuig 2017.
Suno kay Police Senior Inspector Armelyn Vargas, spokesperson sang Bacolod City Police Office, anom ka mga pulis ang mahimo nga dagdagan sang amo nga sanction.
Ang mga natungdan ang nagaduty sa Bacolod City Police Station 10 kag nadakpan sa akto sang officer of the day sang BCPO nga nagatulog sang ini ang nag-inspection sa police station sang kaagahon.
Sa ginpatigayon nga pre-charge investigation sang BCPO, napamatud-an nga guilty ang mga ini sa grave neglect of duty nga may yara sang 50 ka adlaw nga suspension.
Ang resulta sang pre-charge investigation ang gin-endorso na Police Regional Office 6 para sa summary hearing sang Discipline, Law and Order Office.
Gilayon naman nga nagfile sang motion for reconsideration ang mga pulis agud maligwat ang silot batok sa ila.
