-- ADVERTISEMENT --
Nagdangat na sa 122 ang kabug-usan nga numero sang kaso sang COVID-19 sa Negros Occidental Police Provincial Office (NOCPPO) kun sa diin 19 ang aktibo as of May 23.
Sa interview sang Bombo Radyo kay NOCCPO Deputy Spokesperson Pl. Lt. Abegael Donasco, nakaquarantine na sa karun sa mga quarantine facilities ang 19 ka mga personnel.
Ang mga nakagwa na sa isolation nga mga police personnel ang nakabalik naman sa trabaho sa head quarters kag mga police stations.
Suno diri, yara na sila sa maayo nga sitwasyon kag kahimtangan.
Nagpahanumdum man si Donasco sa mga kapulisan nga halungan ang ikaayong lawas bangud ini ang matuod-tuod nga manggad.
-- ADVERTISEMENT --
Nagpanugyan ini sa mga pulis nga samtang gina-ubra ang tawo, indi pagpabay-an ang ikaayong lawas.
