Nakahanda na ang mga kapulisan sa Western Visayas para sa pagbantay sang seguridad sa labing-una nga State of the Nation Address (SONA) ni President Ferdinand “Bongbong” Marcos Jr.
Sa interview sang Bombo Radyo Bacolod kay Police Lt. Col. Arnel Solis, spokesperson sang Police Regional Office 6, nakahanda na ang mga kapulisan sa Western Visayas bangud apisar nga malayo ini sa Metro Manila ginalauman nga may pila ka mga grupo ang magpatigayon sang hublag protesta.
Suno kay Solis ang mga magaprotesta ang nagakinahanglan man magpangayo sang permit nagikan sa local government units.
Suno diri, ang PRO 6 ang nagamonitor man sang mga patigayunon nga mga aktibidad kadungan sang SONA kag nakahanda man ang mga kapulisan sa pagresponde kun may untoward incident.
Nagapanawagan man ini sa mga magapatigayon sang rally nga patigayunon lamang ini sang malinong kag matawhay.
