Nagdangat sa 4,119 ka mga pulis sa Western Visayas ang nakaboto paagi sa Local Absentee voting nga nag-umpisa sang Abril 27 kag nagtakop kahapon.
Sa interview sang Bombo Radyo Bacolod kay PRO 6 spokesperson Police Lt. Col. Arnel Solis, sa 4,257 ka mga pulis sa Rehiyon 6 nga gin-aprubahan sang Commission on Elections (COMELEC), 94.76 percent ang nagboto.
Suno kay Solis, santo sa ila data, 100 porsyento sang mga police officers nga eligible magboto sa Antique kag Guimaras ang nakaboto na samtang pinakadamo naman nga kapulisan nga narehistro sa LAV nga wala nakaboto ang nagikan sa probinsya sang Negros Occidental.
Suno sa tagpamaba sang PRO 6, ang apat ka porsyento sa mga kapulisan nga wala nakaboto ang ginlakipan sang isa sa Aklan Police Provincial Office, lima sa Capiz PPO, sa Iloilo PPO ang may yara sang 34 samtang ang sa Negros Occidental Police Provincial Office naman ang may pinakamadamo nga wala nakaboto kun sa diin sa 1753 nga mga kapulisan nga magaboto sa idalom sang LAV 1655 lamang nakatigayon nga makaboto.
Suno kay Solis, wala man mahibaluan kun ano ang mga personal sang mga ini nga rason sang indi nila pagboto kag wala man sang kasiguraduhan nga ang mga wala nakaboto nga ginpasugtan sa LAV ang makaboto pa sa May 9.
Sa karun, ang mga ballots sang mga kapulisan nga nagpakigbahin sa LAV ang ginturn-over na sa COMELEC.
