May igaset-up nga mga pulungkuan para sa mga tumalan-aw sa Streetdance and Arena Dance Competition sa Reclamation Area nga nahamtang sa tunga sang bridgeways sang SM City Bacolod.
Suno kay Bacolod City Mayor Greg Gasataya, may mga bahin sang Paglaom Sports Complex ilabi na ang grand stand nga ginapahayag risgo na para sa mga tumalambong kun didto patigayunon ang event.
Gani suno sa Alkalde, ila nadesisyunan nga sa Reclamation Area patigayunon ang event bangud ini man ang malapit sa plaza.
Samtang amo gihapon ang mangin routa para sa Street Dance Competition.
Ginahulat ni Mayor Gasataya ang final report sang Tourism Infrastructure and Enterprise Zone Authority (TIEZA) sa pagtapos sang Public Plaza.
Ini bangud suno diri, may pila ka mga concerns nga kinahanglan talakayon lakip na ang checkerd nga flooring sang Plaza nga kinahanglan kay-uhon.
Sa pihak sini, suno kay Mayor Gasataya nga lauman nga matapos na ang Bacolod City Government Center (BCGC) dancing fountain sini nga Setyembre.
