Nagaamat-amat naman bakal ang torotot samtang nagahilapit ang adlaw sang pagsugalaw sang bag-ong tuig.
Sa interview sang Bombo Radyo Bacolod kay Keefe Oniate, nagabaligya sang torotot sa syudad sang Bacolod, sang christmas, diutay lamang ang nagbakal sang torotot apang positibo sila nga maubos ang ila ginabaligya sa December 31.
Suno kay Oniate, subong pa lamang sila nga nakabalik sa pagbaligya bangud sang nakaligad nga duha katuig wala sila ginpahanugutan bangud sa pagsulundan sang COVID-19.
Ginpahayag man sini nga sang 2018 antes pa man ang lockdowns nangin mabakal man ang torotot.
Ang torotot ang mabakal sa P35.00 ang samtang P100 naman ang air horn.
Suno kay Oniate bangud sa COVID-19 protocols wala na ang mga ini nagapatesting kag kun testingan man dapat bayaran na ini.
