Nagapanagtag ang mga miyembro sang Public Order and Safety Office sang face mask sa mga pumuluyo nga nagasulod sa Bacolod City Government Center sa karon nga nagadamo naman ang kaso sang COVID-19.
Nagikan sa 221 ka COVID cases sa ciudad sang Bacolod halin sang bulan sang Enero, 42 diri ang active cases as of April 23.
Suno kay Bacolod City Administrator Atty. Pacifico Maghari III, ginaengganyo ang pagsuksok sang face mask kun magkadto sa Bacolod City Government Center bangud preventive measure ini sa karon nga nagasaka ang kaso sang COVID-19 sa ciudad.
Suno kay Maghari, igamonitor man nila ang mga personnel sa kada departamento ilabi na nga public place ang BCGC.
Ginaengganyo man ang pagsuksok sang face mask kun yara sa public transport ilabi na sa modernized jeepney nga bangud may yara ini sang aircon.
Naghatag naman sang instruction si Mayor Alftredo Benitez nga masumiter ang Bacolod City Health Office sang report angot sa mga kinahanglan para sa COVID-19.
