Ginkasubo sang alkalde sang banwa sang Moises Padilla ang pagpahayag nga ang mga tawo sa banwa ang daw kaangay nagbalik sa dekada 80.
Ini matapos nga maguba ang taytay kasunod sang paglaslas sang Bagyo Tino sa probinsya.
Sa interview kay Moises Padilla Mayor Ella Garcia Yulo, ang mga tawo ang nagbayanihan kag nag-ubra sang taytay nga kawayan agud temporaryo nga may gamiton ang mga tawo sa pagtabok sa suba.
Suno kay Yulo may yara man sang naghimo sang balsa kaangay lamang sang mga residente sang Barangay Inolingan, Quintin Remo kag Macagahay.
Suno sa alkalde sa tion nga mag-ulan ang mga residente sang nasambit nga Barangay ang nabudlayan nga magtabok bangud tuman ka baskog ang current sang tubig.
Ang mga nagagamit naman sang 4 wheels ang magaagi sa banwa sang Isabela antes makapadulong sa nasambit nga banwa.
Samtang gin-ayo man sang alkalde ang school head sang eskwelahan nga indi lang anay magbalik sa pagklase bangud ginagamit pa ang eskwelahan bilang evacuation center.
Dugang pa nga nakita man sini nga ang mga estudyante ang may yara pa sang kabudlayan bangud sa nagluntad nga pagbaha sa nasambit nga banwa.
