Nagpatigayon sang briefing ang Department of Social Services and Development sa mga Punong Barangay sa ciudad sang Bacolod angot sa patigayunon nga pay-out para sa Emergency Cash Transfer sa mga nagub-an sang balay bangod sa Bagyo TINO.
Kaupod man sa briefing si Bacolod City Mayor Greg Gasataya kag City Administrator Mark Steven Mayo.
Sa Sabado natalana ang payout sa 3,430 ka pamilya nga may severely damaged nga balay sang maglaslas ang Bagyo TINO gikan sa 61 ka Barangay sa ciudad sang Bacolod.
Ang kada pamilya ang magabatun sang P10,325 nga financial assistance.
Samtang 14,823 ka pamilya naman nga may slightly damaged nga mga balay gikan sa Barangay 1 to 41, Brgy Alangilan, Alijis, Banago, Bata, Cabug, Estefania kag Felisa ang makabatun sang P5,369 kada pamilya.
Bangod sa kadamuon sang partially damaged ang balay, ini ang gin-alphabetical anay, kag ang 2nd batch ang mahimo ihatag antes magtakop ang Disyembre ukon sa early January.
Sa interview sang Bombo Radyo Bacolod kay Mayor Greg Gasataya, ginbriefing ang tanan nga Punong Barangay bangod sila ang kinahanglan nga yara sa payout.
Nahibaluan nga DSSD personnel ang magapatigayon sang payout, apang bangod ang kapitan ang signatory, importante nga yara ini sa payout agud malikawan ang anomalya.
Ang payout ang patigayunon sa Bacolod City National High School gym, Bacolod City College gym kag sa Villamonte gym.
Nahibaluan nga ang listahan sang makabatun ang ginasumiter sang Barangay, nagapatigayon sang validation ang DSSD kag ginarevalidate pagid sang Department of Social Welfare and Development.
Ini agud mapanas ang mga duplicates kaangay sang mga nagpalista sa duha ka Barangay, ukon may miyembro sang isa lang ka pamilya nga nagpalista man sa lainlain nga Barangay.
