Nagpasalamat si Punong Barangay Arnel “Baldo” Benjamin sang Barangay Banago sa tikang nga ginpatuman sang ciudad sang Bacolod matapos gin-install ang River Waste Trap sa bahin sang Banago Creek sa Brgy Bata, malapit sa North Bus Terminal.
Nagpahayag si Benjamin nga indi na mag-antos sa baha ang mga pumuluyo sa ila barangay.
Ini ang una nga River Waste Trap nga na-install sa anum ka barangay nga pahamtangan sini.
Dako man ang pagpasalamat sang Punong Barangay sang Barangay Bata sa proyekto sang ciudad nga makabulig gid sa ila ginapangatubang nga problema sa basura.
Panugyan ni Punong Barangay Remus Abaring sa mga pumuluyo sa nasambit nga barangay, nga apisar may yara na sang river waste trap, indi dapat magpinagusto haboy sang basura kag mangin responsable sa paghaboy sini.
Ang installation ang gintambungan man mismo ni Bacolod City Mayor Greg Gasataya.
