Wala nagakadulaan sang paglaom ang mga rescuer nga masapwan pa nga buhi ang dinosena nga mga tawo nga nagapabilin nga missing ukon nadula sa ginakabig nga pinakamalala nga pagbaha nga nagtupa sa Spain sa mga nakaligad nga henerasyon.
Padayon sa karun ang pagpangita sang emergency teams sa possible nga survivor gikan sa nasambit nga kalamidad.
Nagbuligay ang linibo ka mga volunteers sa Spanish military kag emergency services sa rescue kag clean up operation.
Suno kay Valencia regional president Carlos Mazon, mas madamo nga mga tropa ang igadeploy.
Nagpangako naman si Spain Prime Minister Pedro Sanchez nga himuon sang gobyerno ang tanan para mabuligan ang mga apektado sang kalamidad.
Sa karun masobra sa 200 na ka mga tawo ang nagkalamatay bangud sa pagbaha kag kadam-an ang nagikan sa Valencia region.
Naguba man bangud sa pagbaha ang mga taytay kag napuno man sang lunang ang mga banwa kag nagresulta sa pagkadula sang supply sang kuryente, tubig, kag pagkaon sa mga apektado nga komunidad.
