Wala na mahimo nga sirad-an sang isa ka residente sang Sitio Napiluan ang iya nga balay sang sila gindali-dali nga gin-evacuate sang mga militar sa nagluntad nga engkwentro sa tunga sang New People’s Army kag 62nd Infantry Battalion sa Barangay Quintin Remo, Moises Padilla, kahapon sang kaagahon.
Sa interview sang Bombo Radyo kay Rosalyn, residente sang nasambit nga lugar, may laktan kun tani ini sang kaagahon apang nakibot na lamang ini sang makabati sang paglinupok.
Suno diri, tuman ang iya kakulba sang nabatian ang pagbarak sang linupok indi lamang sa ila nga lugar kasubong man sa katupad nga Sitio.
Wala na sini mahimo nga masirad-an ang iya nga balay sang sila gindali-dali pa evacuate.
Gilayon sila nga nagpadulong sa evacuation center sa Barangay Hall sang Barangay Quintin Remo.
Ila ginpasakay sa karabaw ang mga katigulangan kag ang mga bag-ong bata padulong sa Barangay Hall.
Suno kay Rosalyn, pilason ang tiya sini nga naglumpat kag nagligid sa pangpang bangod sa tuman nga kakulba, ini naman ginhatagan sang nagakaigo nga pagbulong sa evacuation center.
