Nagpagwa sang abiso ang Philippine Institute of Volcanology and Seismology (Phivolcs) sa mga residente nga nagapuyo sa sulod sang 7 tubtob 8 kilometer extended danger zone sang bulkan Mayon nga magpreparar na sa posibilidad sang evacuation.
Suno kay Mayon Volcano Observatory resident volcanologist Dr. Paul Alanis, namonitor ang pyroclastic density current (PDC) sa Basud Gully, nga naga-atubang sa nabagatnan kag nabagatnan-nasidlangan nga bahin sang bulkan.
Ang nasambitan nga quadrant ang nagasakop sang mga lugar nga ginalakipan sang Legazpi City, Daraga kag Santo Domingo sa Albay.
Suno kay Alanis, sila ang nag-abiso lamang sa mga yara sa 7 tubtob 8 kilometer extended danger zone nga magpreparar pananglitan kinahangalan na nga mag-evacuate.
Sang Sabado, ang Phivolcs ang nakarecord sang 256 ka mga rockfall events, isa ka PDC kag duha ka volcanic quakes sa bulkan Mayon.
Ini ang mas manubo naman kun ipaanggid sa 65 nga volcanic earthquakes kag 17 ka dome-collapse pyroclastic density current events nga narecord sang Biyernes.
Ginalantaw ni Alanis nga ang mga narecord nga volcanic quakes ang gikan sa mga rockfall events.// Suno diri, sa ila nga monitoring sang Sabado, nakita nga nagnubo na ang aktibidad sang bulkan kun ipaanggid sang nakaligad nga adlaw.
