SA WASHINGTON DC—Ginalantaw sang mga residente sa Washington DC ang nahanungod sa COVID-19 response sang duha ka mga presidential candidates pila ka adlaw antes ang US general election sa Nobyembre 3.
Suno kay Bombo International correspondent Justin Tabor direkta sa Washington, DC, ginpahayag sini nga interesado ang mga pumuluyo sa Washington DC angot sa plano nanday Republican nominee US President Donald Trump kag Democratic nominee Joe Biden sa health care, human rights, taxes kag subong man sa employment kag economy.
Sa karon suno kay Tabor, matawhay lamang didto sa ila.
Plano naman sini nga magboto sa Nobyembre 3 mismo.
Nahibaluan nga ang Washington DC ang may yara sang tatlo ka electoral votes bisan wala sila sang voting representation sa Kongreso kag sa masami ini ang Democratic state.
