Ginpatpat sang abogado kun ano ang mahimo nga mafile nga complaint sang isa ka asawa batok sa iya bana sa idalum sang Anti-Violence Against Women and Their Children Act (RA 9262).
Sa interview sang Bombo Radyo kay Atty Jomax Ortiz, sa idalum sang VAWC may yara sang apat ka klase sang violence, ang physical violence, sexual violence, psychological violence kag economic abuse.
Suno diri, kun ginsakit sang bana ang iya asawa madagdag ini sa physical violence; kun ginapahog ang asawa ini ang madagdag sa psychological violence; kun ginapilit ang asawa nga makighilawas ini ang madagdag sa sexual violence; kag kun ang bana wala nagahatag sang suporta sa asawa ukon kabataan ini ang madagdag sa economic abuse.
Pahayag ni Ortiz, kun sa umpisa maayo ang lakat sang relasyon sang duha apang ini nagbag-o sang nag-upod na sila, mahimo nga makafile bisan sin-o sa ila nga duha sang annulmet bangod indi maka-comply ang isa sa ila sang marital obligation sa ila relasyon.
Suno sa abogado, malapad ang sakop sang VAWC kag ang asawa lamang ang protektado diri kag indi ang bana apang ang bana may yara man sang mahimo nga remedy apang indi sa idalum sang VAWC.
