Ginpakondisyon kag ginrecover sang provincial government sang Negros Occidental ang lima ka mga salakyan nga nadiskubrehan nagaluko lang sa talyer kag wala nakay-o sa sulod sang masobra isa ka tuig.
Suno kay Provincial Administrator Atty. Rayfrando Diaz, lima ka mga salakyan lakip na ang isa ka ambulansya nga naassign sa Sipalay District Hospital kag mga pribado nga salakyan sang probinsya ang nakit-an nga wala ginagamit, nakagarahe lang sa mga shop kag wala matandog.
Suno sa iya, ila ini gintsekyar kag ginlantaw ang mga papeles, registration, insurance kag iban pa agud nga magamit sa liwat sang mga departamento sang probinsya.
Suno kay Diaz, nagapreparar na sila sang show cause order tuhoy sa utilization sang nasambit nga mga propedad.
Nagpanugyan man ini nga halungan gid kuntani ang pag-usar sang propedad sang gobyerno kag tipigan mas sobra pa sa ila personal nga gamit bangud iya ina sang probinsya.
