May kasugtanan na ang OWWA nga pagahimuon nga quarantine area sa mga magapauli nga OFW ang Go Hotel.
Kahapon, ginsaylo na sa amo nga hotel ang mga seafarers nga ginquarantine sa EB Magalona.
Suno kay Provincial Disaster Risk Reduction Management Office head Dr. Zeaphard Gerhart Caelian, natapos na ang agreement tuhoy diri.
Suno diri, ginhimo ang agreement antes paman ginsaylo ang mga repatriates agud indi magpareho sa Iloilo nga napabay-an ang mga OFWs.
Nagahingyo naman ini sang pag-intindi gikan sa mga OFW, bangod sa medyu madugay ang tikang apang nagapanigurado lamang ang Kapitolyo.
Sa online registration, kun ginsulat sang aplikante nga seafarer ini, otomatiko na nga ginakonsiderar ini nga OFW, gani kinahanglan gid nga i-disclose sang mga ini kun wala pa makabyahe, ukon domestic travel palang.
Nagapabilin man nga requirements sa mga magapauli ang rapid test kag temprano nga ipasa ang resulta.
Ginapahanumdum man sini nga sa pag-abot, liwat ini nga iga-rapid test, igapaidalum RT-PCR test, igaquarantine, kag liwat naman nga iga-rapid test sa paggwa sa quarantine facilities.
