Nagapati si political analyst Atty. Jomax Ortiz nga nagalapaw na ukon sobra-sobra na ang ginahimo sang mga senador sa mga ginapatigayon nga senate hearing.
Sa interview sang Bombo Radyo kay Ortiz, madamo sang grandstanding sa kongreso kaangay na lamang sa natabo nga hearing kay former Philippine Charity Sweepstakes Office (PCSO) general manager Royina Garma.
Suno diri, bisan ang privacy sang kabuhi ni Garma ang nalab-ot na.
Pahayag sang abogado, indi insakto ang ginhimo sang kongreso nga magdagdag sang desisyon nga ila naluyagan bangod lamang nga wala nagsanto ang ila pagpati sa ginadepensahan sang resource person.
Sa bahin ni Garma, siya ang gincite in contempt bangod lamang nga nagapati ang kongreso nga nagabinutig ini.
Nakita man sini nga anay nanamian ini sa iban nga mga senador apang sa karun sobra-sobra na ang ila ginahimo.
Dugang pa ni Ortiz, ang grandstanding ang ginahimo na lamang sang mga senador kag kongresista sa karun nga nagahilapit na ang midterm elections.
Mensahe sini sa mga senador kag kongresista nga likawan nga mangin obvious sa pagkwestyon sa korapsyon kun sila mismo ang korap man.
