Nagpabutyag ang pila ka mga opisyales sang gobyerno sang mga luyag nila mabatian sa ikatatlo nga State of the Nation Address (SONA) ni President Ferdinand Marcos Jr.
Para kay Senator Juan Miguel Zubiri, dapat nga i-address sang Presidente ang inflation, proposed legislated wage hike kag pagpanawagan nga i-ban ang Philippine Offshore Gaming Operators (POGOs).
Si Marcos ang nangin mahipos sa tunga sang mga panawagan nga i-ban ang POGO kun sa diin ang iya mga top security officials ang nagapamalibad nga i-classify ang issue bilang isa ka “national security threat.”
Samtang, nagalaom naman si Commission on Elections (Comelec) chairman George Erwin Garcia nga magahatag ang Presidente sang portion sang iya tiyempo sa pagpahanumdum sa mg Filipino natuhoy sa importansya sang ila boto samtang nagapreparar ang pungsod sa midterm election sa masunod nga tuig.
Samtang, nagapanawagan man ang mga anay opisyales sang gobyerno kaangay kay Herminio Coloma, nga nagserbi sa duha ka mga administrasyon sang mga Aquino, nga matackle sang Presidente ang mga issues sa kapigaduhon, edukasyon kag overall nga puturo sang nasyon.
Suno naman kay former Senator Joey Lina, dapat ipresentar ni Marcos ang iya mga plano natuhoy sa job creation, edukasyon, health kag nutrition kag West Philippine Sea.
