Nagpanindugan ang pila ka mga Senador nga kulang ang P200 nga monthly cash assistance nga ipanghat.
Dugang pa sang mga ini nga ang excise tax sa fuel ang dapat nga temporaryo nga suspendihon.
Suno kay Presidential Candidate kag incumbent Senator Panfilo Lacson, ang fuel excise taxes ang dapat nga temporaryo nga suspendihon tubtob sa magtahaw ang kinagamo sa tunga sang Russia kag Ukraine.
Ang remarks ang ginpagwa sang mamalidha kasunod sang proposal sang Department of Finance (DOF) kay Presidente Rodrigo Duterte para sa “targeted subsidies” nga P200 kada bulan sa mga nalakip sa 50 porsyento nga pinakapigado nga Filipino households para sa bilog nga tuig.
Ang DOF ang naghingyo man sa pagpabilin sang excise taxes sa oil products apisar sa panawagan nga ini ang suspendihon.
Ang proposal ang gilayon naman nga gin-aprubahan ni Presidente Duterte.
Ginpahayag ni Lacson sa press conference nga tuman ka gamay ang P200 para sa kada bulan.
Paathag sang presidential candidate nga temporaryo lang ang iya nga proposal nga pagsuspender sa excise taxes kag indi naman permanente nga igasuspender ang provision sang TRAIN Law.
Suno kay Lacson, magasuspender lang sang tatlo ka bulan, tubtob sa matapos ang invasion sang Russia sa Ukraine.
Paathag sang Senador nga indi man permanente ang nagapanguna nga rasun sa pagmahal sang presyo sang gatong nga amo ang gyera.
Madumduman nga una na nga nagpanawagan ang mamalidha sa DOF nga buhion ang transitory provision sa TRAIN Law nga nagasuspender sa scheduled nga pagsaka sa excise tax kun ang three-month average sang Dubai crude oil ang magdangat sa 80 dollars kada bariles.
Ang provision, ang natapos na kasunod sang effectivity sang ulihi nga tranche sang excise tax increase sang 2020.
Suno kay Lacson kun ang provision ang mabalik, ang transport sector ang makasalbar sang maximum nga P10 samtang ang ordinaryo nga drivers ang makasave sang indi magnubo P5 tubtob P6.
