Ginpahayag ni Senator Imee Marcos nga nakasugtan nga sa madason nalang nga regular session patigayunon ang impeachment trial sang impeachment complaint ni Vice President Sara Duterte-Carpio.
Suno kay Marcos, nga ini ang nakasugtan sang tanan nga senador kag suportado ang desisyon ni Senate President Chiz Escudero.
Suno diri, malip-ot naman ang tinion kun sa Hunyo bangud madamo pa sang pending nga mga buluhaton ang mga ini.
Dugang pa sini kulang man ang duha ka semana para sa pagpatigayon sang impeachment trial bangud wala pa ang mga ini sang rules of impeachment kag wala pa sila sang procedural requirements bangud kinahanglan pa sang mga ini tun-an.
Suno diri, sang October 2023 pa ang impeachment rumors apang wala man sang natabo kag ini ang gindihon lang duha ka bulan antes ang pagtakop sang kongreso kag wala man gilayon ginpasa sa senado.
Dugang pa sini ang special session ginapatigayon lamang kun may urgent legislative matter kag nakita man sang mga ini nga wala sang basehan para magconvene para sa special session.
