Ginpahayag sang City Legal Officer sang Bacolod nga indi pwede makabaligya sa palibot sang Provincial Capitol Lagoon kag Bacolod City Public Plaza kun wala sang nagakaigo nga permit nagikan sa ciudad.
Suno kay Atty. Romeo Carlos Ting Jr., ang mga vendors lamang sa public plaza nga may nagakaigo nga business permits ang ginapahanugutan nga makabaligya samtang ang mga sidewalk vendors sa palibot sang Provincial Capitol Lagoon ang dapat nga maghalin sa ila pwesto bangud wala sang business permit ang mga ini kag nagatuga sang traffic congestion.
Suno sa iya, sa Aguinaldo Street ang ginhatag nga lugar para sa mga ini agud magbaligya.
Suno diri, ginsaway na sang city enforcement ang mga nagabaligya nga wala sang health card kag wala nagagawad sang permit.
