Handa na ang mga simbahan sa Bacolod kag Negros Occidental sa pag-obserbar sang Semana Santa ukon Holy Week sugod bwas, Domingo de Ramos kun sa diin ginabendisyunan ang mga lukay sa pagdumdom sa pag-abot ni Jesus sa Jerusalem kag ang pag-umpisa sang kasakit sini.
Suno kay Fr. Henry Donasco, director sang Commission on Liturgy sang Diocese of Bacolod, may yara sang siyam ka holy mass nga patigayunon sa San Sebastian Cathedral kadungan sang Domingo de Ramos.
Suno kay Fr. Donasco, ang schedule sang misa ang kaangay sang nakaandan nga schedule sa paghiwat sang misa kada Domingo nga magaumpisa alas 06:00 sang aga tubtob alas 06:00 sang gab-i.
Ang misa kasubong pagblessing sang lukay ang hiwaton sa alas 10:00 ng semana a apang pagkatapos sang misa ang may yara man sang blessing sang lukay.
Sa Lunes santo tubtob Miyerkules santo, may yara man sang patigayunon nga regular nga misa kun sa diin isa sa aga alas 07:00 sang aga, alas 12:15 sa udto kag alas 05:15 sa hapon.
May yara man sang pagpangompisar sa Lunes tubtob Miyerkules nga patigayunon alas 04:00 sang hapon.
Suno kay Donasco sa adlaw sang Hwebes, Abril 14, alas 08:00 sang patigayunon ang Chrism Mass kun sa diin ginarenew man sang mga kaparian kag Obispo ang panaad sang mga bilang pari; sa alas 04:00 sang hapon patigayunon ang Mass of the Lords Supper kag alas 06:00 sang gab-i, patigayunon naman ang visitation kag vigil sa altar of repose kun sa diin mahimo na ini nga ubrahon sang mga tumuluo kasunod sang pagpaidalom sang syudad sa Alert Level 1 ukon pagnubo sang mga restrictions.
Sa Biyernes, Abril 15, alas 05:00 sang aga may yara sang patigayunon nga via crucis sa sulod sang simbahan samtang pag-abot sang alas 12:00 sang udto patigayunon naman ang siyete palabras ukon ang 7 last words ni Ginoong Hesus; Alas 03:00 sang hapon patigayunon naman ang Passion of the Lord apang ipaiway ang prosesyon bangud sa kadamo sang mga tumuluo samtang padayon naman ang pagbisita kag pagduaw sa Santo Intierro.
Ginpahayag man ni Donasco nga pag-abot sang Sabado nga adlaw may yara sang patigayunon nga general cleaning sa simbahan kag sa alas 08:00 sang gab-i patigayunon ang vigil samtang sa adlaw naman sang Domingo, Eastern Sunday mabalik naman sa regular nga schedule sang Misa nga nakaschedule alas 06:00 aga tubtob alas 06:00 sang gab-i, diri man ginabag-o sang mga tumuluo ang ila saad bilang katoliko.
Ginpahayag man sang pari nga ginaengganyo man sang mga kaparian kag obispo sa bilog nga pungsod nga ibalik sa normal ang paghimo sang mga buluhaton sa tion sang semana santa.
Nagpanawagan man ini sa tanan nga mga tumuluo nga magpahimuyong anay kag magpamalandong sa tion sang semana santa.
