-- ADVERTISEMENT --

Padayon ang panawagan sang pagpangamuyo para sa pag-ayo ni Pope Francis.

Sa interview sang Bombo Radyo Bacolod kay Bombo International News Correspondent Jeff Vinas Lagos, direkta sa Rome, Italy, nagpatigayon sang mga vigil prayer sa mga simbahan sa Italy ang mga deboto kag may yara man sang nagpakigbahin nga katapo sang Filipino Community.

Suno kay Lagos, ginapatigayon ang 12 noon Angelus nga sa nakaandan nagagwa ang Santo Papa sa bintana apang sa bangud bangud nga yara ini sa ospital nagapaayo ini ang ginasulat nalang kag ginabasa kun sa diin ang kaundan sini ang pagpanawagan sang padayon nga pagpangamuyo para sa recovery sini.

Ginpahayag man sini tuman kadamo nga mga turista sa Rome, Italy kag isa sa mga ginadugukan ang Angelus Prayer ni Pope Francis sa tagsa mag alas 12:00 ang takna sa udto.

Nagadugay sang 20 tubtob 30 minutes ang nasambit nga pagpangamuyo.

-- ADVERTISEMENT --

Samtang ang pinakauli nga nagalibot sa Rome amo nga may yara sang kidney infection bangud wala na ini nagafunction bangud man sa ginpatigayon nga blood transfusion.

Suno diri, santo sa nakuha sini nga impormasyon sang bata pa lang ang Santo Papa may yara na ini nga problema sa baga.

Ginbutang naman sa pribado nga kwarto kun sa diin isa lamang ang Santo Papa sa Gemelli Hospital sa Rome.

Samtang ang mga simbahan ang nagaoffer man sang pagpangamuyo nga may special intention para sa pag-ayo sang Santo Papa.

Maobserbahan man sa sulod sang simbahan sa Rome, Italy nga nagakasubo ang mga kaparian kasubong man ang mga sumulimba apang hugot nga nagapangamuyo sa pag-ayo ni Pope Francis.