Ginpalukpan sang North Korea ang pila ka bahin sang mga dalanon nga may madalom nga simbolo kag nagakonekta sa South Korea suno sa militar sang Seoul, pila ka adlaw matapos nagpromisa ang Pyongyang nga permanente nga pagasiraduhan ang border sa sur.
Humalin sang gindeklarar ni Kim Jong Un nga “principal enemy” ang South Korea, ang North ang naglatag sang fresh nga mga minahan, anti-tank barriers kag nagdeploy sang mga missiles nga may kapabilidad nga magdala sang nuclear warheads sa border.
Sang tinalikdan nga semana, gin-akusahan sang North Korea ang Seoul sa paggamit sang drones agud ihulog ang anti-regime propaganda leaflets sa Pyongyang.
Bangud diri, nagconvene si Kim sang isa ka security meeting agud manduan ang isa ka plano sang “immediate military action” bilang pagtimalos.
Ang mga dalan kag railways ang madugay na nga gabok apang ang pagguba sa mga ini ang nagapadala sang maathag nga mensahe nga indi preparado si Kim nga magnegotiate sa South.
